Platt lehrn geiht överall!
Dat hett de Kinnergoorn Mürwiker Garten an de 20.03.23 op de Buernhof Schnepfennest beleevt.
Mit en grote gröne Bus geiht dat morgens 8:15 in de Kinnergoorn los. Twölf Kinner sünd mit dorbi. Al op de Weg is ördentlich wat los. Bagger, Trecker un en Reh merrn op de Straat. Op den Buernhof ankamen, warrn de Kinner vun de Hund Bruno begrött. En grote swart-witte, de sik strakeln un fodern lett. ”Laat uns man eerstmal rin gahn un wat fröhstücken” seggt de Buernhofpädagogin Birgit Erichsen. Binnen is dat fein warrm. Gau de Brotdosen op de Disch un etten. Na de Stärken geiht dat denn rut. Eertsmal en Leed to’n Begröten singen. „Schöön dat du Hüüt dor büst“ un „Moin moin leve Lüüd“ kann en dörch de hele Goorn hören. De Aant Greta un Hanna un Hinnerk singt ok mit. In de Kohstall warrt denn düchtig arbeit. De Tiern hebbt hunger. Hanna, Hinnerk un Greta sitten in de Tiet op de Trecker un holen Klöönschnack. Op Platt, kloor! Bi de Kalver in de Stall hangt en Lamp de schöön warrm is. Door kann een sik de Hannen warmen. Dat ene Kalv is man jüst dree Daag oolt un hett noch keen Naam. Wi dörven dat döpen. Dat swart-witte Kalv kriggt de Naam Kamilla. Finja hett em utsöcht. De Höhner mööt nu ok ok wat to etten hebben. De krigen dat, wat de Kinner bit’t Fröhstück nich etten wullen. Dat Broot schemmckt se bannig goot. Een Hohn mag sogor op de Arm vun de Kinner. Un Eier hebbt se ok leggt. Ölven Stück! ”Kiek, dat is en Ei un wenn dat daal fallt, denn is dat twei”. Door werrn dat blots noch teihn, man Bruno freut sik över dat Ei wat daalfullen is.
Door is de Tiet ok al meist üm. De Bus töövt al. Gau noch Schoh afputzen un rin in de grote Bus un torüch in de Kinnergoorn Middag eten.
Dat weer en feine Tur! Wat hett man nich allens beleeft un sehn.